Facebook Twitter Google+ Les dernières actualités
vendredi 29 mars 2024
Antananarivo | 15h43
 

Répondre à un commentaire

15 août 2019 à 09:42 | Vohitra (#7654)

Indro fa manomboka mitsidika sy hanjaka eto Madagasikara ny fijery tokana handidy sy hanapaka ary handrafitra fisainana voatefy ka hanery ny vahoaka sy ny mponina hankato tsy misy fepetra ary hanao tokim-panompoana ny mpitondra sy mpanapaka politika.

Ireo toky sy fampanantenana zavontany tsy tamby isaina, ary nofy ho amin ny fiovana sy fivoarana higagana, maro no manomboka mahatsikaritra ankehitriny fa betsaka no tsy ho tanteraka ary izay vitsy mety ho tontosa aza dia tsy hifanaraka mihintsy amin izay heverina fa lafatra sy ara-drafitra manarapenitra.

Ny manahirana ny mpitondra ankehitriny dia ny hifehezana sy hanoherana ny tsikera ary hisarika ny fisainan ny mpandinika tsy haneho afatsy hevitra FANOMPOANA ny mpitondra.

Izay ilay antony mahatonga ny mpitondra mizotra miandalana ho any amin ny rafitra manome vahana ny fampitomboana ny fahefan ny Filoha.

Tsy ho ela fa efa io an-dalana io, arahi-maso sy gejaina ny serasera amam-baovao, arahi-maso ny fifanakalozana sy fifamoivoizana, harafitra ny kolontsaina vaovao miompana any amin ny kanto sy alavoly handrobohana ny tanora, ary hapetraka ny fahazarana ara-piarahamonina hiankohoka amin ny mpitondra.

Tandindomindoza ny Firenena, roso eo ambavan ny hantsana mangitsoka, efa miatrika sy amperinasa ireo mpivarotra ny tanindrazana, efa eny ambavan izy ireo ny vidin ny fitaka nampandriana adrisa ny Malagasy, ireo mponina mitoetra amorontsiraka sy amorondriaka efa renoka voatefy hihoby fanjakana matanjaka natao hotompoina.

Na dia sahirana aza ny fitondrana, na dia mbola mandinika aza ireo tompon ny petrabola, na dia mbola mailo aza ireo mpampindram-bola, aleon ny fanjakana aloha tsinjovina haingana ny fanamboarana ny araben Antananarivo satria ao no mitoby ireo kinga sy fetsy, mpanera ny harempirenena, tompomenakely vaovao amin ny taonjato faha-21.

Publicité




Newsletter

[ Flux RSS ]

Suivez-nous

Madagascar-Tribune sur FACEBOOK  Madagascar-Tribune sur TWITTER  Madagascar-Tribune sur GOOGLE +  Madagascar-Tribune RSS