Efa imbetska ihany no nampirantiako tetoana fa
ho sarotra be mihitsy ny ahatanteraka
ny paik’ady hampiray tanteraka ireo firenena miisa 27 ao anatin’ny European Union !

Marobe dia marobe ny anton’izany fahasarotana izany.
Tsy ny Tantara efa lasa mikasika ny hoe
« ity kaontinanta ity no sehatra maro ady indrindra nifanaovan’ny firenena ao ankibony eto amin’ny planeta »
ihany akory no anton’izany fahasarotam-be izany,
fa misy antony hafa maro hafa koa !

Fa ito manaraka ito no henon’ny sofina sy hitan’ny maso avy hatrany :
tsy manana tenim-pirenena iraisana ireo firenena miisa 27 ireo !

Raha tafahaona ny Allemà iray sy Italiana iray sy Grika iray sy Poloney iray :
dia teny inona no iresahan’izy 4 ireo !

Kanefa raha mihaona kosa ny Zamerikana iray sy Aoasitraliana iray sy Niozelandey iray sy Anglisy iray :
dia mazava ho azy na teny Anglisy no iresahan’izy 4 ireo !

https://www.francetvinfo.fr/monde/europe/pourquoi-la-remise-en-cause-du-droit-europeen-par-la-pologne-fait-trembler-l-ue_4799929.html