Tsy hisy marimaritra iraisana

Rehe fa ankatoky ny fifidianana tahaka izao, dia misy hatrany ny marimaritra iraisana eo amin’ny antoko mitovy fomba fijery mba tsy hampizara ny vato, ka hanome vahana ny hafa. Ny hita aloha hatramin’izay dia saika ny antoko eo amin’ny fitondrana hatrany no hialokalofan’ny malemy, sitrany ahay tsy lany vola ary mba mahazo izay anjara seza izay mifanandrify amin’ny tena. Hiatriaka izay ho ben’ny tanàna isika ny vola desambra izao, izay efa maro sahady no milaza fa hanohana kandida, izay tsy iza io fa ny atolotry ny TIM ary any amin’ny toeran’ny mpanolon-tsaina no hifaninanana. Ny TIM kosa anefa dia tsy mihevitra ny hanao marimaritra iraisana amin’ny kandida hafa satria manana ny olony isaky ny kaominina ity antoko ity, ary iza no tsy hievitra fa ny handrombaka ny toeran’ny ben’ny tanàna manerana ny Madagasikara no tanjony ? Diso hevitra izay mbola mihevitra fa hisy ny firaisan-kinam-pirenena toy ny hita taloha, fa rehefa tsy afaka ny hiady irery dia aleo mimpirina fa aza miantehitra ny hafa.