TARATASY MISOKATRA HO AN’ANDRIAMATOA ISANY,
Pr ZAFY Albert,
Atoa RATSIRAKA Didier,
Atoa RAVALOMANANA Marc,
Atoa RAJOELINA Andry
Ny fiarahamonim-pirenena dia mankasitraka ny fahavitan’ny sonia ny fifanarahana tany Maputo I, ary mametraka ahiahay ny tsy fahombiazan’ny Maputo II.
Anisan’ny nanao sonia ny fanarahana Maputo I ny fiarahamonim-pirenena, ka mitady ny fampiharana ny satan’ny tetezamita, izay nankasitrahan’ny ankamaroan’ny Herivelona eto amin’ny firenena tamin’ny fanaovan-tsonia natao ny Asabotsy 22 Aogositra 2009 tao amin’ny Carlton.
Ny tsy fahavitan’ny fizotrin’ny fifanarahana ankehitriny dia hiteraka ny fitohizan’ny olana ara-toekarena, ny fampahantrana ny vahoaka Malagasy ary mampitombo ny korontana sy savorovoro eo anivon’ny fiaraha-monina.
Mampahatsiahy izahay fa tsy mitaky ny faneken’ny ankolafin-kery rehetra ny fahitanà ny vahaolana, mba hialanà ny fikatsoan’ny fifanarahana.
Tandidonin-doza ny firenena Malagasy ankehitriny, ka manainga sy manentana anareo izahay, amin’ny fandraisana andraikitra sy fintsijovana ny tombotsoam-pirenena.
Antananarivo, faha 31 Aogositra 2009
SEFAFI
CDE
MAMIMAD
FIZATO
FISEMA
PFNOSCM
CCOC
RARE
GESCI
CPEGDVR
PME/BTP
VDSM
FNOIM
FEDMINES
KMF/CNOE
Le groupe des 4 facilitateurs SEREMA USAM
SOS Victimes de Non Droit CRAN
REV (Réseau pour l’Eradication de la Violence)
Vos commentaires
Tsy dia maharaka politika firy aho fa ny zavatra tiako hambara ho antsika rehetra pitondra sy izay rehetra manana ambara momba ny fiainam-pirenena dia tsotra ihany :
Ianao izay mitonona ho tia tanindrazana io, inona moa no anjara efa nentinao hanasoavana an’ny Madagascar ? moa ny milahatra andalambe ve ? Ny mamory vahoaha etsy sy eroa ! ny maneho hevitra sy fanambarana isankarazany hanehoana fa dadany sy mahery izahay ? izany ve dia ampy hilazana fa nahavita be ho an’ny firenena isika. Raha izay fotsiny dia heveriko fa efa tsy tokony ho izao intsony ny toerana nisy antsika saingy indrisy ! Fanerena kely fotsiny no aton’ny mpanelanelana (iafenan’ny firenena vaventy= mpanjanantany) avy any ivelany dia misavoritaka sahady isika mianakavy, very sy tsy hita akory ilay hampompon’ny fitiavan-tanindrazana dradradraina isanandro. Raha izao no mitohy dia tsy hisy akory ny ho sahy maty ho an’ny firenenena, ary aoka isika rehetra samy hampisitrika ny lohantsika fa henatra tsy roa aman-tany ny mahazo antsika amin’izao. Ampahafirin’ny nahazo ny razantsika izay maty tamin’ny fiarovany ny tanindrazany moa izao mahazo antsika izao ? Niaretany ny fandrahonana, niaretany ny hanoanana,... sns. koa eto ampamaranana dia tsotra ny hafatra apetrako, aza alefa lavitra any Maputo ny saina fa raha tia Tanindrazana marina ianao dia mivonona hiady ary sahia maty fa Madagascar dia natao hoa an’ny Gasy ka tokony ho isika irery no vahaolana voalohany amin’izany.
K.
ry mada, Omar 1er, horace, jan eric, urfer, sy ny tariny avy,
tratranareo izao ny tanjona, lasa r8 faha8 nareo, koa dia mifalia, mitsinjaha, mahereza mihinana miaraka amin’ireo olona narosonareo ireo,
satria ianareo no namelona ny afo, ianareo no vy nahitana, ianareo no namono ny voay, koa dia ravaho ny vanginy, sotroy ny ranomason’ny tsy an’asa, aza misento amin’ny anohanan’ny vahoaka, mandohalia eo anatrehan’ny mpitondra anareo vaovao. atsaharo hatreo ny ranomasomboay !
Namono tokoa ry zareo ka tsy mamela mihitsy. Nefa inona moa no tena novonoiny :
Azafady tompoko fa vondron’olona iray ihany no mibahana ny fahitan vaha olana amin’izao fahasahiranana izao : vondrona Rajoelina !
Vao mahita ny hoe « SEFAFY » no isan’ny manao fanambarana moa hita fa tsy maintsy mitanila foana ny fomba fijeriny.