Facebook Twitter Google+ Les dernières actualités
jeudi 18 juillet 2024
Antananarivo | 14h23
 

Malagasy

Ampasampito : fitobian’ny fiara fitaterana vaovao

Nahazo fankasitrahana Rafalimanana Hery

mardi 27 novembre 2007 |  748 visites  | Hery A.
Efa nitsodrano an-dRafalimanana ny filoha Ravalomanana mivady.

Roa taona teo ho eo izay no nahazoan’ny fanjakana ny toerana fitobian’ny fiara etsy Ampasampito ka nohavaozina ho fihantsonan’ny fiara fitaterana manara-penitra. Fiaraha-miasan’ny tsy miankina sy ny fanjakana no nahatsanganana ity foto-drafitrasa ity izay nandaniana vola

Ar. 560 tapitrisa avy amin’ny kaominina tarihan’ny ben’ny tanàna Hery Rafalimanana, ary ny Ar. 350 tapitrisa dia avy amin’ny orinasa Jovenna. 4 volana no nanamboarana ity foto-drafitrasa ity izay manana velarana 6000 m2. Hita eto ny fivarotana solika an’ny Jovenna, eo koa ny fihantsonan’ny fiara mahazaka fiara miisa 160 ary miisa 20 kosa ny « guichet » . Mampanara-penitra ny toerana ihany koa ny fisian’ny toeram-pitsaboana miisa 2.

Nitokana ity foto-drafitrasa ity ny filoham-pirenena Ravalomanana mivady izay nitoraka voninkazo ny PDS Rafalimanana Hery noho ny nahavitany ity foto-drafitrasa goavana toy izao. Teny an-toerana moa ity PDS ity nanome voninahitra ny lanonana fotsiny ihany, noho, izy kandida ben’ny tanàna ka hiatrika fampielezan-kevitra anio.

Atsy ho atsy izany dia eto Ampasampito no hihantsona ireo fiara mpitatitra mankany amin’ny faritra atsinanan’ny nosy iny.

Publicité




Newsletter

[ Flux RSS ]

Suivez-nous

Madagascar-Tribune sur FACEBOOK  Madagascar-Tribune sur TWITTER  Madagascar-Tribune sur GOOGLE +  Madagascar-Tribune RSS