Tsy manaiky resy

Hentitra ny fiombonamben’ny mpanohitra omaly nanamafy ireo fitakiany hatramin’izay, dia ny fanovana ny lalàm-pifidianana, sy ny fanaovana ny bileta tokana ary ny fametrahana ny fifidianana ho tantanin’ny tsy miankina. Raha mbola mizirizy amin’ny heviny anefa ny mpitondra eto amintsika dia tsy handray anjara amin’ny fifidianana izay hatao amin’ny 12 desambra izao ity fiombonamben’ny mpanohitra ity. Misy arak’io ny fe-potoana omeny ny fitondrana ankehitriny hamaliany izao fitakiana izao hatramin’ny faran’ny volana oktobra izao. Ny teti-dratsin’ny mpitondra ankehitriny no nampiray feo anay hoy ry zareo tetsy amin’ny Hilton omaly, ary aoka tena hajaina ny safidim-bahoaka mba hanjakan’ny demokrasia. Hatreto izany dia tsy manaiky resy ny mpanohitra ary vonona ny tsy hilefitra hatramin’ny farany. Raha manao be marenina amin’izao fangatahana izao anefa ny fanjakana dia inona no ho ataon’ireto mpanohitra ireto ?