> Malagasy
Antananarivo-Renivohitra
Naato ny fanalà na diky
jeudi 8 mai 2008, par Hery A.
« Tao anatin’ny andro vitsivitsy izao, tsy afaka nanala maloto na diky intsony ny sampan-draharaha miandraikitra izany eto anivon’ny Kaominin’Antananarivo Renivohitra. Naato vonjimaika aloha io asa io ». Fanambarana nataon’i Liva Ramavozatovo, talen’ny Fotodrafitrasa eto Antananarivo izany ho valin’ny fanontaniana napetraka taminy. Nisy antony mazava nahatonga ny fivondronana ity fanapahan-kevitra ity. « Iray ihany ny fiarakodia eo ampelatanan’ny Kaominina voatokana hanao io asa io. Io fiarakodia anefa, efa ho andro vitsivitsy izay, misy fahasimbany ka tsy afaka miasa ». Vokatr’izany, tsy misy manala ny diky any amin’ireo trano fivoahana amin’ny tranom-panjakana, toy ny sekoly, ny biraom-panjakana isan-karazany. Any amin’ireo sampan-draharaha miankina amin’ny Fanjakana ireo manko no voalaza fa tena iasan’ny sampan-draharaha mpanala diky eo anivon’ny Kaominina.
- Trosabe
Tsy mbola misy ny vahaolana matotra iatrehana ny olana. Araka ny nambaran’i Liva Ramavozatovo, tsy afaka miditra amin’ny fanofà na fiara ny Kaominina noho ireo trosa be efa mitambesatra aminy. Voatery tsy maintsy miandry ny fotoana ahavitan’ny fiara. « Heverina fa ao anatin’ny tapabolana raha ela indrindra dia hiverina amin’ny laoniny ny asa rehetra », hoy izy manohy ny fanazavana.
Mandrampahatongan’izay fotoana izay, tsy maintsy miaritra ny fofona maimbo sy ny rivotra maloto ny mpiasa miasa eo anivon’ny sampandraharaham-panjakana ahitana efitrano fivoahana efa madiva ho feno. Ho an’ny olon-tsotra kosa, afaka tsy miandry ny Kaominina izy ireo.
Misy orinasa roa tsy miankina amin’ny Fanjakana misahana io asa io. Azon’ireo olon-tsotra atao tsara ny manatona azy ireny sy mifampiraharaha aminy. Mazava ho azy, misy ny vola aloa. Tokony hapetraka laharam-pahamehana eo anivon’ny Kaominina ny fahazoana fiara fanampiny.
« Eo amin’ny lafiny ara-bola hatrany no olana », hoy ny fanazavan’ny tale teknika.
Dans la même rubrique
- Kaonty any Soisa : Tsy afaka mametra-bola any intsony ny filoha
19/07/2008 - Matsilo : Ampy izay hoy i Ranjivason
18/07/2008 - Rajaonah sy ny "Otrikafo" : Malahelo ny zanaky i Lafrantsa
17/07/2008 - Ady tany : Raikitra ny eny Andrefan’Ambohijanahary
17/07/2008 - Taratasin’ny mpamaky : Haron-tabebaka
16/07/2008 - Toetr’andro : Herinandro tena hangatsiaka
16/07/2008 - Fanodikodinana sy fanondranana olona antsokosoko : Mbola mafy sy henjana ny ady hanoherana izany
16/07/2008 - Kolonely Belone : Nohafahan’ny fitsarana ny lehilahy
15/07/2008 - Mpianatra avy any Texas : Sao miangatra be loatra
15/07/2008 - Politika : Mametraka mpandimby ny goaika antitra
14/07/2008 - Fanavaozana ny fanabeazana : Vonona ny tsy miankina
14/07/2008 - Grevin’ny JIRAMA : Misy mpanao politika ao ambadika ?
12/07/2008
