> Teny zato, kabary arivo
Asehoy ny marina
vendredi 28 mars 2008, par Naivo kely
Mandeha ny fisamborana manamboninahitra. Tsy vao izao fa efa ela, hoy ny mpandinika, ary maro no efa nahiditra am-ponja. Fikenokenonana hanongam-panjakana no fototry ny fisamborana.
Andraikitra lehibe ho an’ny firenena ny fitandroana ny filaminana, indrindra ny maha-iray tsy mivaky ny firenena. Ezaka lehibe heverina fa tsy azo hamaivanina ny fepetra henjana ho an’ireo minia te-handrava ny filaminana eto.
Mipoitra indray ity fanonganam-panjakana ity tao ho ao. Tsy ny mpanao politika mivantana no voakasik’io, fa ny eny anivon’ny tafika. Re fa mandeha ny fisamborana etsy sy eroa, ary efa mandeha ny fanadihadiana isan-karazany. Manana ny tsiambaratelony ny fanadihadiana, saingy mila ho fantatry ny rehetra ihany ny tena marina. Raha hitodiana kely ny mikasika ilay ambara ho fikasana hamono ny filoham-pirenena ny datin’ny Aprily 2007 lasa teo, dia nambara fa voasambotra ilay olona. Iza izy io, ary nanao ahoana ny tohin’ny raharaha ? Nahoana no tsy aseho vahoaka toy ny nahazo an’ilay lehilahy antsoina hoe Ivan teny Ambohibao izy io ? Asehoy ny marina mora hitandreman’ny tsirairay. Misy hifandraisany ihany koa ve ny fanehoan-kevitra politika mateti-pitranga tao ho ao sy ity fisamborana manamboninahitra ity ? Miandry ny fanadihadiana ny rehetra, ary ho hita eo ny marina.
Dans la même rubrique
- Tafiditra lalina…
21/08/2008 - Potika ny maha-Malagasy
20/08/2008 - Tsy nitsanga-menatra
19/08/2008 - Lava tongotra
18/08/2008 - Teny zato kabary arivo : Resy tsy fitsena
16/08/2008 - Teny zato kabary arivo : Karakarao fa mivoraka
14/08/2008 - Mifandrangitra
13/08/2008 - Teny zato kabary arivo : Fanjakan’ny Baroa
12/08/2008 - Teny zato kabary arivo : Very maina ny ra latsaka
11/08/2008 - Teny zato kabary arivo : Fiara ratsy, vata-paty mandehandeha
09/08/2008 - Teny zato kabary arivo : Nahazo ny anjarany
08/08/2008 - Teny zato kabary arivo : Tsara fiaingà na...
07/08/2008
