Aza malaky faly isika Malagasy, na iza na iza no ho lany eo.

Ny ekipan’ ny mpandresy ihany no hisitraka avy hatrany ny fandresena, ary izy samy izy ihany no hanangona ny vola sy harena, ary hifampizara izay tombontsoa ho azony eo fa tsy hisy hanombinany ho anao akory na dia iray aza.

Ny andro fifidianana ihany sy hahitana ny valiny fandresena no hifalian’ ny vahoaka nifidy fa avy eo hiverina hilomano amin’ ny fako sy rano maloto ary ny adim-piainana mahazatra tahaka ny misy ankehitriny. Tsy hisy fahagagana vetivety akory fa tsy maintsy hisikimponitra, hitrongy, ary hiasa mafy vao hisitraka ny vokatry ny fandrosoana.

Raha mbola mahantra isika Malagasy ary raha mbola ny vazaha, ny sinoa sy karana ihany no manjaka eto dia tsy hampiova inona izay fifidianana, fa tsy maintsy hitady ny tombontsoany hatrany ireo, hanohy ny kolikoly fanaony, ka ny ben’ ny tanana voafidy no hampiasainy hanafaingana ny fangalarana ny tanin’ ny Malagasy.

Koa mivavaha mafy amin’ Andriamanitra mba hanomezany fahendrena ny ben’ ny tanana
ka hahaizany hiady amin’ ny fahavalompirenena sy hitsinjo ny madinika ary amin’ izay isika vao hiandrandra fampandrosoana.