Hoy ny Papa tamin’ny eveka katôlika Malagasy : Aoka hianareo ho AKAIKY an’Andriamanitra sy ny Mahantra, ary ho toy ny mpamafy mamafy voam-pinoana sy fanantenana, indrindra amin’ny mahantra.

« Le Pape appelle les évêques malgaches à être proches de Dieu et des PAUVRES »
https://www.vaticannews.va/fr/pape/news/2019-09/pape-voyage-madagascar-rencontre-eveques.html

« Lors de sa rencontre avec les évêques malgaches, en la cathédrale d’Andolaho, le Pape a comparé le pasteur à la figure du SEMEUR, appelé à répandre autour de lui les semences de foi et d’espérance, surtout parmi les plus pauvres
[...]
« Lien INDISSOLUBLE entre FOI chrétienne et PAUVRES »
« Une autre dimension de la charge pastorale tient à la défense de la personne humaine. « Nous devons être les premiers dans le choix de proclamer l’Évangile aux pauvres » , a répété à deux reprises le Saint-Père. Ces derniers restent les destinataires privilégiés de l’annonce du salut ; à cette aune, les évêques ont « un devoir particulier de proximité et de protection envers les pauvres, (…), envers les enfants et les personnes les plus vulnérables, victimes d’abus », et de cette « culture du déchet », qui tend à éliminer « celui qui vient à naitre ou de ceux qui sont sur le point de mourir ».-

. Tsy vitan’ny FITORIANA FOTSINY NY FILAZANTSARA amin’ny MAHANTRA [NA NY OLON-KAFA REHETRA !] ihany angamba no adidin’ny Kristianina REHETRA na ny mpitondra fiangonana mirebareba na ny mpino tsotra tsy mirebareba. Izany no fampianarana sy hafatra ary fampitandremana navelan’i Jesosy Kristy tamin’ny mpianany araka ny azo tsoahana avy amin’izao andininy ao amin’ny Soratra Masina izao :

 Ilay antsoina hoe « Fitsipika na Lalàna Volamena » ;

« Izay tianareo hataon’ny olona aminareo, no mba ataovy amin’ny olona koa. »
[Lioka 6, 31, Ny Baiboly Masina katôlika]

 « Ny hitsaran’ny Zanak’olona ireo firenena rehetra » [« Ny fitsarana farany » na « Ny hihavian’i Kristy hitsara ny firenena rehetra »]
[Matio 25, 31-46, Baiboly DIEM na Dika teny Iombonana eto Madagasikara]

32 Ary hangonina eo anatrehan’ny Zanak’olona ny firenena rehetra. Dia HANAVAKA ny olona ho roa tonta ny Zanak’olona, tahaka ny mpiandry manavaka ny ondry amin’ny osy ; 33 ka ny ondry no hataon’ny Zanak’olona eo ankavanany fa ny osy hataony eo ankaviany. 34 Ary dia izao no holazain’ny Mpanjaka amin’izay eo ANKAVANANY : « AVIA ianareo nombàn’ny Raiko fitahiana ; raiso ho lova ny Fanjakana izay voavoatra ho anareo hatrizay nahariana an’izao tontolo izao. 35 Fa NOANA Aho, dia nomenareo hanina ; NANGETAHETA Aho, dia nomenareo hosotroina ; NIVAHINY Aho, dia nampiantranoinareo ; 36 TSY NITAFY Aho, dia notafînareo ; NARARY Aho, dia nokarakarainareo ; TANY AM-PONJA Aho, dia novangianareo. » 37 Ary dia hanontany Azy ny OLO-MARINA ka hanao hoe : « Tompo ô, OVIANA Ianao no hitanay noana ka nomenay hanina ; na nangetaheta ka nampisotroinay ? 38 Oviana Ianao no hitanay nivahiny ka nampiantranoinay, na tsy nitafy ka notafînay ? 39 Oviana Ianao no hitanay narary na tany am-ponja ka novangianay ? » 40 Dia hovalian’ny Mpanjaka hoe : « Lazaiko marina aminareo fa ARAKA IZAY NATAONAREO TAMIN’NY ANANKIRAY AMIN’IRETO HAVAKO MADINIKA INDRINDRA IRETO NO NATAONAREO TAMIKO . »

41 Ary dia izao kosa no holazain’ny Mpanjaka amin’izay eo ANKAVIANY : « MIALÀ AMIKO ianareo voaozona, mandehana any amin’ny afo maharitra mandrakizay izay voavoatra ho an’ny devoly sy ny anjeliny. 42 Fa noana Aho, dia TSY NOMENAREO HANINA ; nangetaheta Aho, dia TSY NOMENAREO HOSOTROINA ; 43 Nivahiny Aho, dia TSY NAMPIANTRANOINAREO ; tsy nitafy Aho, dia TSY NOTAFINAREO ; narary sy tany am-ponja Aho, dia TSY NOKARAKARAINAREO . » 44 Ary dia hanontany Azy kosa ireo ka hanao hoe : « Tompo ô, OVIANA Ianao no hitanay noana na nangetaheta, na nivahiny, na tsy nitafy, na narary, na tany am-ponja ka tsy nampianay ? » 45 Dia hovalian’ny Mpanjaka hoe : « Lazaiko marina aminareo fa ARAKA IZAY TSY NATAONAREO TAMIN’NY ANANKIRAY AMIN’IRETO HAVAKO MADINIKA INDRINDRA IRETO NO TSY NATAONAREO TAMIKO. » 46 Dia hiroso ho any amin’ny fijaliana maharitra mandrakizay ireo fa ny olo-marina kosa ho any amin’ny fiaina-maharitra mandrakizay.

Aiza ho aiza no misy ny Malagasy na mpitondra fivavahana na mpitonona ho Kristianina mafana fo : Ondry eo an-kavanan’i Jesosy sa osy eo an-kaviany ? Tsy ny FIANTRANA sy ny FANGORAHANA ny tra-doza sy ny mitrongo vao homana ve no alohan’ity fikatsahana tsy misy farany « Fihavanana » sy ny « marimaritra iraisana » ity, izay ventesina isaky ny kabary...ambony vavahady ?