Toy ny nataony teny amin’ny fiangonana Katolika Ambohimitsimbina sy Ambatomitsangana dia namaly ny antson’ny fiangonana, nandritra ny fankalazana ny fetin’i Masina Maria, mpiaro ny Katedralin’Andohalo, ny minisitry ny raharaham-bahiny Marcel Ranjeva. Nanolotra seza telo ho fanaka masina manoloana ny hotely hipetrahan’ny mompera sy ny mpanampy azy izy na dia tsy eto an-tanindrazana aza fa mamita iraka any ivelany, noho izy mahatsiaro ho zanaky ny fiangonana. Ireo fiangonana telo manan-tantara eny amin’iny tanàna ambony iny moa dia nanamarika ny fahazazana sy ny hatanoran’ny minisitry ny raharaham-bahiny, ka tsy hadinony ny mitondra izay voatsirambin’ny tanany amin’izao fetim-piangonana toy izao. Nanohina ny antson’ny reni-fiangonana tamin’izao fankalazana ny fetiny izao ihany koa ny filohan’ny Antenimieram-pirenena, Atoa Jacques Sylla.
Ny Vikera Jeneraly, Mgr Ludovic Rabenantoandro moa no nitarika ny fotoam-pivavahana.