Hosoram-potaka ny PDS

Tsikaritra omaly teny Mahamasina sy Ambanidia fa nisy trakita vitsivitsy naparitaka izay manome endrika ratsy ny PDS Hery Rafalimanana rano ray no voalaza ao anatiny. Nokilasiana ho toy ny fahavalom-pirenena ny asa vitan’ity PDS ity tao anatin’izay sivy volana izay, ary ny tena loza dia ny fahitana tao anatin’io taratasy namparitaka io ny fanompana vary raraka an’ingahy PDS. Fifidianana no ataontsika ny alarobia 12 Desambra, kanefa efa hita sahady ny endriky ny tsy fahazakana izay vokatra hivoaka eo. Inona no tetika atao amin’ny fanosorana maloto kandida tahaka izao ? Aposahy ny hevitra, ary ialao ny fandemen-tsaina isan-karazany, fa renivohitra iray no hasandratra, ka tsy ny fanaratsiana an’i Hery Rafalimanana amin’ny trakita tahaka izao akory no afahan’ny hafa handrombaka ny fandresena. Ary mba manao ahoana ny sazin’ny mpanoso-potaka tahaka io nitranga omaly io ? Hatreto dia azo antoka fa hafana ary ahitana ny tsy fahita ny fampielezan-kevitra ho atao, ary mila mahatanty sy mizaka dien’izao ireo kandida satria ny mpamendrofendro tsy ilaozan’ny vanim-potoana tahaka izao.