> Teny zato, kabary arivo
Lany andro manova
samedi 3 mai 2008, par Naivo kely
Isaky izay mahatsiahy dia manova. Io no hita ankehitriny, ary tsy hananan-kavana mihitsy fa izay tsy mitovy fomba fijery amin’ny filoha dia barakay avokoa.
Izay no nampiavaka ity fitondrana ity tamin’ireo mpitondra nifandimby teto. Na vao manomboka mametraka ny fomba fiasana aza ny ministra na lehiben’ny faritra, dia efa ny fanovà na no tonga mialoha. Sahirana ny rehetra, satria toa lany andro manova eto isika, ka ho tratra aoriana ny tena asa mivaingana andrasana amin’ny mpitondra nomena fahefana. Tonga dia vavany hoy ny filoham-pirenena, ary izay rahateo no andrasana fa tsy lany andro miandry baiko avy any ambony. Fahasahiana no tadiavin’ny rehetra, ary ny fidinana ifotony eny anivon’ny vahoaka no ahitana ny atiny maharary, fa tsy sanatria variana any anaty birao. Mazà na anefa rehefa mandray io andraikitra io ny ministra na olom-panjakana maro samihafa, dia voahaisotra amin’ny toerany avy hatrany, satria tsy nisy fiherà na tany ambony. Manova fomba fiasa ny fanjakana, ary andrasana ny vokatra haingana. Ny vahoaka koa etsy ankilany tsy tokony hiandry mahazo fa mandray andraikitra tandrify azy. Mino isika fa tsy hisy hanilihana andraikitra intsony ato ho ato, satria olona heverina fa manana ny fahaiza-manao ireo tafajanona amin’ny toerany, matoa voafidy tao anatin’ny maro.
Dans la même rubrique
- Mitabe tsy lanin’ny mamba
18/07/2008 - Tsy vitan’ny JIRAMA ny asany
17/07/2008 - Samy nahazo ny anjarany
16/07/2008 - Lany andro miofana
15/07/2008 - Tsy re tsaika
14/07/2008 - Vita Gasy
12/07/2008 - Ratsy angaha ny teny Gasy ?
11/07/2008 - Marary...
10/07/2008 - Serasera matanjaka
09/07/2008 - Ampy izay
08/07/2008 - Zanak’Ikala hafa
07/07/2008 - Poizina hita maso
05/07/2008
