> Malagasy
Toetr’andro
Herinandro tena hangatsiaka
mercredi 16 juillet 2008, par Herimanda R.
"Tsy tokony hahagaga ny fiovaovaon’ny toetr’andro eto amintsika. Ao anatin’ny vanim-potoanan’ny ririnina ny eto Madagasikara amin’izao fotoana izao. Misy ny fitenenantsika manao hoe tsy mena-mivadika toy ny andro ririnina". Na izany aza mbola haharitra telo andro eo ho eo ny hatsiaka mamirifiry. Fanambaran’ny teknisiana mpamantatra ny toetr’andro eny Ampandrianomby izany raha nanontaniana izy ny amin’ny toetr’andro ankehitriny izay toa mivadibadika be ihany. Mbetika mangatsika, mbetika mafana. Toy izao ny fanazavana ara-teknika nentiny. "Misy ny rivotra avy any atsimo atsinanana antsoina hoe Alizay. Amin’ny vanim-potoanan’ny ririnina dia mitondra rivotra izay sady mangatsiaka no mando izy io.
Rehefa mitsoka ny Alizay dia saiky mandrivotra avokoa eraky ny faritra maro manerana ny Nosy, indrindra fa any amin’ny faritra avaratra. Misy ihany koa, ao anatin’ny vanim-potoanan’ny ririnina ihany, ny antsoina hoe "système dépressionnaire" izay mitondra hafanana. Ireo tranga ireo no mifandimbidimby ka mahatonga ny andro mbetika mangatsiaka mbetika mafana".
6°C - 20°C
Amin’izao fotoana izao, manodidina ny 10 ka hatramin’ny 12°C ny maripana ambany indrindra, 19°C no ambony indrindra ho an’ny eto Antananarivo. 6°C ka hatramin’ny 8 °C ny ambany indrindra, 21 °C ny ambony indrindra ho an’ny Faritra Vakinankaratra. 16°C - 20°C no ambany indrindra ho an’ny Faritra Atsinanana, miainga eo Antsiranana ka mipaka hatrany Tolagnaro. 16 °C-19°C ho an’ny Faritra andrefana, avy eo Toliary hatrany Mahajanga. Nambaran’ny teknisiana avy etsy Ampandrianomby fa mbola hitoetra eto amintsika ny Alizay ao anatin’ny 3 andro. Hitohy hangatsiaka arak’izany ny toetrandro indrindra ho an’ny eto afovoan-tany.
Dans la même rubrique
- Hetra amin’ny fadin-tseranana : Miditra an-tsehatra ny Amerikana
21/08/2008 - Vaky trano teny Ivato : Ny olon-tiany ihany no nahavanon-doza !
21/08/2008 - Grevin’ny mpiasan’ny JIRAMA : Mitombo miandalana ny fitakiana
20/08/2008 - Amoron’Imania • Fandriana : Mbola mitoetra ny herin’i Rainitanjaka
19/08/2008 - Tanora sy ny raharaham-pirenena : Mitady ny FFKM sy ny olon-kendry
19/08/2008 - Kaominina ambanivohitra Anjanadoria : Tsy very maina ny volan’ny filoha
18/08/2008 - Fitsidihana tany Fianarantsoa : Nanazava ny fanovà na misy ny Praiminisitra
18/08/2008 - Aretin’ny homamiadana : Sitrana eto an-toerana ny 50% ireo marary
16/08/2008 - Antsirabe : : maro ny loza niseho ny faran’ny herinandro teo
14/08/2008 - Tonga ny filoha Ravalomanana : Hampiakarina avo ny fanatanjahantena Malagasy
13/08/2008 - Bakalôrea : Mpianatry ny Oniversite nisandoka ho kandidÃ
13/08/2008 - Maître Avoko : "Mifohaza ry Gasy !" : Hampidinina Andriamanitra
12/08/2008
