> Teny zato, kabary arivo
Asehoy ho fanta-bahoaka
vendredi 16 mai 2008, par Naivo kely
200 ny Malagasy voan’ny SIDA hoy ny haino aman-jery iray teto amintsika ny alarobia maraina teo. Fanazavana azo nandritra ny hetsika nokarakarain’ny ministeran’ny fahasalamana tetsy Befelatanana ny alatsinainy hariva teo no nandrenesana izany. Azo adika fa efa zava-doza mananontanona ny fiainantsika Malagasy ny toy izany.
Tsy ahilikilika ny voan’ity areti-mandoza ity, hoy ny dokam-barotra etsy sy eroa. Marina izany satria olom-belona tahaka antsika izy ireny, ary azo sosoana hoe tsy fidiny azy ireo ny hitondra ity aretina ity, ankoatry ireo nilingilingy tany ambadika tany angaha. Ny ratsy hono tsy misy tandroka, ary tsara raha aseho ho fanta-bahoaka tahaka ireny olona boka na marary voan’ny homamiadana ireny izy ireo. Mora hitandreman’ny hafa ny anton’io. Teny tsy hay kosehina ao andohan’ny maro ilay fomba fiteny hoe raha ho faty aho, dia matesa rahavako. Tsara ny mitandro ny maha-olona ny hafa, nefa tsara lavitra noho izany ny mifehy ity aretina ity tsy hiparitaka amin’ny mpiray tanindrazana.
Hatreto aloha dia ny tsy fahaizana mifehy tena no anton’ny hiparitahan’ny tsimok’aretina haingana indrindra. Sa fahafinaretana aloha vao mandinika ny mety ho vokany ?
Dans la même rubrique
- Nankaiza ny mpanao sonia sasany ?
05/09/2008 - Antitra mampiady kalo
04/09/2008 - Nivadika ny rasa
03/09/2008 - Mitomandavana
01/09/2008 - « Sinema malagasy »
30/08/2008 - Tokony ho matotra ny ben’ny tanà na
29/08/2008 - Hitsikitsika tsy mandihy foana
28/08/2008 - Raikitra ny ady saritaka
27/08/2008 - Tsy ho lasa rano
26/08/2008 - Tsy afa-bela i Andry Rajoelina
25/08/2008 - Mbola mandry tsy lavo loha
22/08/2008 - Tafiditra lalina…
21/08/2008
