> Teny zato, kabary arivo
Asa mahafaty, fa tsy mahavelona
vendredi 2 mai 2008, par Naivo kely
Vita iny ny voalohan’ny volana Mey. Nanao izay ho afany ny mpiasa nandritra ny filaharana omaly maraina. Niainga tamin’ireny kabary maro nifandimbiasana ireny ny ventsoventsom-po tany anaty tany. Tsy tora-po kosa aloha no ilazana izany fa fijerena ny tena tombontsoa iraisana eo amin’ny samy mpiasa tsy ankanavaka.
Toa mivaona amin’ny tena zava-misy ny hiainan’ny mpiasa Malagasy ankehitriny. Toa asa mahafaty fa tsy mahavelona no eto. Raha ireo fijaliana any amin’ny orinasa afaka haba no jerena dia hita taratra io. Fampiasana ny mpiasa mihoatra ny ora mahazatra, ny vehivavy bevohoka tsy azo ampiasaina raha vao hita fa mitsaika ny zaza ao ankibony. Ny fanolanana atao amin’ny vehivavy, fa raha vao tsy manaiky dia roahina avy hatrany. Hita io amin’ny toeram-piasana maro samy hafa. Mazana ny tovovavy ratsy bika na endrika dia tsy mahazo avara-patana, fa ny tsara endrika sy bikana, na dia heverina ho tsy mahavita ilay asa, no mahazo toerana sy avara-patana amin’ny sehatra maro.
Endrika mbola hisehoan’ny fanandevozana amin’ny sehatra maro ny toy izany. Tsy ho gaga isika raha sarotiny miady mafy ny zo tokony hananan’ny mpiasa ny sendika maro. Tsy natao hitaky fisondrotan-karama ihany ny sendika fa mijery ifotony ny zo maha-olana, ary mitaky ny hampiharana ny lalà nan’ny asa. Ho ela velona ny mpiasa malagasy ary samy ahazo ny vokatry ny hatsembohana fa tsy ho sanatria hamelona ny hafa lava izao.
Dans la même rubrique
- Vola maloto
19/07/2008 - Mitabe tsy lanin’ny mamba
18/07/2008 - Tsy vitan’ny JIRAMA ny asany
17/07/2008 - Samy nahazo ny anjarany
16/07/2008 - Lany andro miofana
15/07/2008 - Tsy re tsaika
14/07/2008 - Vita Gasy
12/07/2008 - Ratsy angaha ny teny Gasy ?
11/07/2008 - Marary...
10/07/2008 - Serasera matanjaka
09/07/2008 - Ampy izay
08/07/2008 - Zanak’Ikala hafa
07/07/2008
